៤. ក្លោងទ្វារនិងកំពែង

៤-១- ក្លោងទ្វារ ៖ តួខាងត្បូងទី ៣ រហូត ទី ៦ ^(៧៣) ( S₃S­₄S₅S6 )

តួប៉មទាំងនេះមានការខូចខាតខុសៗគ្នា ដោយឡែកនៅទិសខាងកើតមានតួប៉ម S₆ ពោរពេញទៅដោយ ការខូចខាតជាច្រើន ។ ឯនៅទិសខាងត្បូងតួទី៤ ទាំងពីរនេះនៅចំកណ្តាលក៏មានខូចខាតអស់ខ្លាំងណាស់ដែរ ។ ឯតួ ក្រៅគឺជាទ្វារបញ្ឆោតសាទពីរ ក្បាច់នេះខ័ណ្ឌនៅក្រោមដំបូលដោយសារផ្តែរទ្វារអំពីថ្ម ។ ទ្វារទាំងនេះមានទំពក់ជា ជួរសំរាប់ថ្ពក់ទប់ពិដាន ។

ជញ្ជាំងខាងក្រៅមានលអធម្មតា ។ រីឯបាតរបស់ខឿនមានក្បាច់ក្បាលជញ្ជាំងលំអលើសសសរផ្អោបនិង ប្រាសាទបង្រួមខ្នាត (លើកលែងតែតួ S₄)។ នៅលើក្លោងទ្វារមានក្បាច់ក្បាលជញ្ជាំង លេចឡើងពាសពេញ ទៅលើក្លោងទ្វារនៅទិសខាងត្បូ ។ បង្កាន់ដៃដែលនៅក្នុងកំពែងមានចម្លាក់ស្លាបចំនួន ១២ ។

ទ្វារទាំងអស់ពោរពេញទៅដោយការខូចខាត ។ នៅលើទ្វារបញ្ឈរមានលំអស៊ុំទ្វារធម្មតា ដូចជានៅលើទ្វារ បញ្ឆោតទិសខាងត្បូង ។ ផ្តែរទ្វារដែលបានបាត់បង់ចំនួន ៨ និងសសរពេជ្រចំនួន ១៦ រួមនិងសសរជ្រេផ្សេងៗទៀត ក៏ដូចគ្នា ។ មានក្លោងទ្វារមួយនៅទិសខាងកើត បានបន្សល់ទុកនូវផ្នែកខ្លះនៃជាន់ថ្នាក់របស់វាដែលមុខនីមួយៗ មានញកមួយ ហើយដោយមានប្លង់ត្រួតគ្នាខ័ណ្ឌដោយសសរផ្អោប ។ សសរផ្អោបមានរ័ណ្ឌដោយក្បាច់សំណាករូប ប្រាសាទតូចមួយនៅបាតខាងក្រោម និងប៉ែកខាងជើង ដែលមានក្បាច់មួយពិសេសនៅកណ្តាលត្រូវបានខូចខាតអស់ ហើយ ។ នៅប៉ែកខាងលិចមានកំពែងធម្មតា ឯប៉ែកខាងកើតមានរូបភាពជាច្រើនចំណែកនៅខាងមុខ ប៉ែកខាង ជើងមានក្បាច់ផ្ទាំងមួយ ។ នៅពីខាងញក បង្ហាញពីរូបភាពមនុស្សស្រីអង្គុយចោងហោង ។ រូបស្រីនោះត្រចៀក វែង និងមានកំប៉ោយមួយនៅពីមុខភ្នួកសក់ ។ ប៉ុន្តែរូបភាពទាំងនេះនៅសល់មិនអាចចំណាំបានដូចស្លាកស្នាមរូប ភាព តាំងពីសម័យបុរាណនោះទេ ។

៤-២- កពែងខាងត្បូង និងទ្វារខាងក្រៅ ^(៧៤)

កំពែងទី២ ជាជញ្ជាំងធម្មតាដែកសល់ឡើងអំពីថ្មបាយក្រៀម ហើយមានការតុបតែងលំអលើសសរ ជាច្រើន ។ ទ្វារកំពែងនៅទិសខាងកើត និងខាងលិច គឺមានសិលាចារឹកនៅលើមេទ្វារបញ្ឈរពីរ ។ ប៉ុន្តែសាលាចារឹក នៅលើមេទ្វារបញ្ឈរខាងកើត ។ ចំពោះក្លោងទ្វារកំពែងទិសខាងជើង និងខាងត្បូង មានជាជញ្ជាំងខ័ណ្ឌបិទជិត គេមិនអាចធ្វើដំណើរចេញចូលបានទេ ។ ទ្វារទាំងនេះហាក់ដូចជាមានប្រហោងទ្វារធម្មតា ដែលគេបានចោះបញ្ចូល ទៅក្នុងុជញ្ជាំងនៅចំន្លោះក្បាច់លំអពីរ ធ្វើអំពីថ្មបាយក្រៀមមានកំរាស់ស្តើង ហើយដែលវាមិនអាចលេចឡើងនៅ ក្នុងការផ្តុំរបស់ក្លោងទ្វារពិតប្រាកដនោះ ។

៤-៣- ជញ្ជាំងកំពែងខាងត្បូង (សូមមើលរូបទី៤ )

ក្លោងទ្វារកំពែងទី១ ខ័ណ្ឌដោយជញ្ជាំងធ្វើអំពីឥដ្ឋ ដែលមានការតុបតែងលំអទាំងសងខាង ប៉ុន្តែសព្វថ្ងៃ មានការខូចខាតស្ទើរគ្មានសល់ ។ នៅលើខឿនកំពែងធម្មតា ជាទូទៅមានចម្លាក់ប្រទាក់គ្នានៅប៉ែកខាងក្រោម។ ខឿនកំពែងដែលគ្មានចម្លាក់ ផ្នែកខាងក្រោមមានលំអក្នុងកំពែងត្រូវបានគេលំអបញ្ឈរដោយសសរផ្អោប និងរូប ក្បាលតោមួយមានភ្នែកទាំងពីររាងដូចស្នែង អណ្តាតតោនោះទ្រក្បាច់រំយោលជាច្រើន។ ក្បាច់ក្បាលជញ្ជាំងមាន លក្ខណៈសាមញ្ញោនៅក្នុងកំពែង និងចម្លាក់ស្លឹកឈើបញ្ឆិតៗព្រមទាំងឆ្លាក់សត្វស្លាប ប៉ុន្តែមិនបានបង្ហាញពីក្បាច់ ពិសេសទេ ។ នៅលើកំពែងសសរផ្អោបដែលដែលឈរៗត្រង់ទៅលើមានក្បាច់ភ្ញីវល្លិ៍ ដកច័ន្ទតូចៗ ទៅតាម បណ្តោយខ្សែបន្ទាត់បញ្ឈរនិងនៅផ្នែកខាងលើមានក្បាច់សំណាករូបប្រាសាទ ។ មានចម្លាក់រូបមេដាយធំៗរាងមូល នៅលើជញ្ជាំងកំពែង ។ នៅលើជញ្ជាំងទិសខាងលិច យើងសង្កេតឃើញមានមេដាយពីរ ឬបីប៉ុណ្ណោះដែលមាន រូបភាពច្បាស់ ។

នៅពីមុខផ្នែកខាងក្នុង យើងអាចមើលឃើញច្បាស់នូវរូបភាពមនុស្សទី១ កាន់ក្បាច់ផ្កាភ្ញីវល្លិ៍ នៅដៃស្តាំ ហើយលើកឡើងខ្ពស់ ឯដៃឆ្វេងដាក់នៅក្បែរមុខ ។ មានរូបភាពមនុស្សពីរនាក់ទៀត ដែលជាអ្នកជំនួយការកំពុង តែជូនអំណោយដល់ស្រីម្នាក់ និងមានមនុស្សបីនាក់ព្រមទាំងមានអ្នកជំនួយការម្នាក់ទៀត ដែលមានរូបភាពជា មនុស្សគម ។ ក្បាច់ផ្ទាំងបន្ទាត់បង្ហាញពីការប្រយុទ្ធគ្នារវាងសត្វស្វាកន្ទុយវែងជាមួយ និងក្របី ដែលប្រហែល ជារឿងរ៉ាវចម្បាំងរវាងស្តេចស្វាពាលី និងក្របីទូភី ។ ក្បាច់ផ្ទាំងទីបី បង្ហាញពីរូបភាពចំបាប់និងអ្នកប្រមាញ់ប្រដាប់ ដោយអាវុធជាដាវមុខពីរ វាយជាមួយួនឹងសត្វតោដែលកំពុងតែលោត ថែមទាំងមានមនុស្សម្នាក់ទៀត ដែលមាន កាយវិការផ្ទុយគ្នា និងរូបសម្លាក់សត្វតោ ។ អ្នកប្រមាញ់ទាំងឡាយមានភ្នួងសក់រាងជាថ្នាក់ៗទាបៗនិងមានពុក មាត់ ។ អ្នកប្រមាញ់ទាំងនោះ មានស្លឹកត្រចៀកធ្លាក់ចុះក្រោមយ៉ាងវែង ឯកាលលំអលើសំពត់គឺជាយធំត្រួតគ្នា ទម្លាក់មកមុខ ។

 Back